၁၆. " ဆရာ ကျွန်တော့်ရဲ့ လေ့ကျင့်ခန်းစာအုပ်ထဲမှာ ဘာရေးထားတာလဲဟင် "
" လက်ရေးကို ရှင်းရှင်းရေးလို့ ရေးထားတာဟေ့..."
၁၇. ခွဲစိတ်ဆရာဝန်က ခွဲစိတ်မည့် လူနာကို ပြောသည်။
" ခင်ဗျား ဘာမှ စိတ်ပူစရာမလိုဘူး၊ အခုခွဲစိတ်မှုဟာကျုပ်ရဲ့အကြိမ်ငါးရာမြောက် ဖြစ်တယ်၊ တစ်ကြိမ်ကြိမ်မှာတော့ အောင်မြင်ရမှာပေါ့၊ မဟုတ်ဘူးလား "
၁၈. အရက်မူးနေသူက တက္ကစီကို တားသည်။
" အားသလား "
" အားပါတယ် "
" အဲဒါဆို တွဲကကြရအောင် "
၁၉. " ငါ့ကို ပိုက်ဆံတစ်သောင်း ချေးစမ်းပါ "
" ငါ့ဆီမှာ ငါးထောင်ပဲ ရှိတယ်ကွ "
" ငါးထောင်ဆိုလည်း ငါးထောင်ပဲပေါ့
ဒါပေမယ့် နောက်ထပ် ငါးထောင် မင်း ငါ့ကို ပေးရဦးမယ်ဆိုတာ မမေ့နဲ့နော် "
၂၀. " ကိုင်း...ခင်ဗျားကို အိပ်ဆေးပြားတွေ ပေးလိုက်တယ်၊ ခြောက်ပတ်စာအတွက် လုံလောက်ပါတယ် "
" ဒေါက်တာ... ကျွန်မ ဒီလောက်ကြာကြာ မအိပ်ချင်ဘူးရှင့် "
၂၁. " ဆေးရုံကို အမြန်ဆုံး ရောက်တဲ့လမ်း ပြောပြစေချင်ပါတယ် ခင်ဗျာ "
" ဒီထက် လွယ်တာ ဘယ်ရှိမလဲ၊ မျက်စိကို စုံမှိတ်ပြီးသာ လမ်းကို ဖြတ်ကူးလိုက် "
၂၂. ဆေးခန်းထဲသို့ လူတစ်ယောက် ၀င်လာသည်။
" ဒေါက်တာ...ကျွန်တော့်ကို လူတကာက လျစ်လျူ ရှုနေကြတယ် ခင်ဗျ "
" နောက်တစ်ယောက် "
၂၃. ဖိနပ်ဆိုင်တွင် ကိုချူ ချာ ဖိနပ်စီးကြည့်နေသည်၊ အရောင်းသမကို မေးသည်။
" ဈေးဘယ်လောက်လဲ "
" ၄၀၀၀ ပါ "
" ၃၀၀၀ ပဲထားဗျာ နှစ်ဘက်စလုံး ယူသွားမယ် "
၂၄. စကော့တလန်သားက သူ၏သားကို ပြောသည်။
" သား...မင်းရဲ့ဆရာမကို ပြောလိုက်၊ အခုလို နိုင်ငံရေး အခြေအနေ မတည်မငြိမ်ဖြစ်နေတဲ့
ကာလမှာ ကမ္ဘာ့မြေပုံကို မင်းအတွက် အဖေ ၀ယ်မသေးဘူးလို့ "
၂၅. စကော့တလန်သားတစ်ယောက် ဘောလုံးပွဲလက်မှတ် ၀ယ်သည်၊ အရောင်းသမကို ၄င်းက ငါးရာ ထိုးပေးသည်။
" လက်မှတ်တစ်စောင် တစ်ထောင်ကျတယ်ရှင့် "
" ကျွန်တော်က စကော့တလန်အသင်းကိုပဲ ကြည့်မယ်လေ "
၂၆. " ကျွန်မရဲ့ မောင်လေးဟာ အမြဲတမ်း လိမ်ပြောတယ်၊ ရှက်ရမှန်းလည်း မသိဘူး၊ အဲဒါ ကြီးလာရင်
ဒီကောင်လေး အမတ်ဖြစ်မယ်လို့ မေမေက ပြောတယ် "
၂၇. လှေပေါ်တွင် တပ်ဆင်ထားသော အင်ဂျက်စက်ကို ကိုချူ ချာ မြစ်ထဲပစ်ချလိုက်သည်။ ဆက်လှော်ရင်း
ကိုချူ ချာ ကျေနပ်သံဖြင့် သူ့ဟာသူ ပြောသည်။
" ဟင်း...လှော်ရတာ အခုမှပဲ ပေါ့သွားတော့တယ် "
၂၈. " ဒေါက်တာ၊ ကျွန်တော် အားပိုကောင်းလာဖို့အတွက် ဒီဆေးကို ပေးလိုက်တာမဟုတ်လားခင်ဗျာ "
" ဟုတ်တယ်လေ၊ ဘာဖြစ်လို့လဲ "
" ပုလင်းအဖုံးကို ကျွန်တော် ဘယ်လိုမှ ဖွင့်လို့မရပါလား ဆရာရယ် "
၂၉. အမေက သားကိုပြောသည်။
" ရော့ ငှက်ပျောသီး၊ သားလေးစားနော် "
" ငှက်ပျောသီးဟာ မျောက်ရဲ့အစာ မေမေရဲ့၊ သား မစားဘူး၊ မေမေပဲစား "
၃၀. ကိုချူ ချာတိုက်ခန်းအသစ် ရသည်။ နယ်မှ ရောက်လာသော ဆွေမျိုးများကို လိုက်ပြသည်။ ကြွားသည်။
ရေဆွဲအိမ်သာကို ရောက်လာသည်။ ဆွေမျိုးများက မေးသည်။
" အဲဒါ ဘာခေါ်သလဲ၊ ဘာအတွက်လဲ "
" ကျွန်တော်လည်း မသိဘူး၊ ဟောဒီခလုတ် နှိပ်လိုက်ရင် ရေကျလာတယ်။
လက်ဆေးဖို့ အချိန်ရတယ်။ အဲ...မျက်နှာသစ်ဖို့တော့ အချိန်မမှီဘူး "
